Wah Kiya Jud O Karam

Waah kya jood-o-karam hai Shah-e-Batha tera Nahin sunta hi nahin mangne wala tera

Dhare chalte hain ata ke woh hai qatra tera Taare khilte hain sakha ke woh hai zarra tera

Faiz hai ya Shah-e-Tasneem nirala tera Aap pyaason ke tajassus mein hai darya tera

Instant Access to Thousands of Lyrics - Tap to Install!

Aghniya palte hain dar se woh hai baara tera Asfiya chalte hain sar se woh rasta tera

Main to maalik hi kahoon ga ke ho maalik ke Habeeb Ya'ni mehboob-o-muhib mein nahin mera tera

Tere qadmon mein jo hain ghair ka munh kya dekhein Kaun nazron pe charhay dekh ke talwa tera

Chor haakim se chupa karte hain ya us ke khilaf Tere daaman mein chhupe chor anokha tera

Tere tukron se palay ghair ki thokar pe na daal Jhirkiyan khayen kahan chhor ke sadqa tera