Subh e Taiba Mein Hui

Subh-e-Taibah mein hui bat-ta hai baara noor ka Sadqa lene noor ka aaya hai taara noor ka

Baagh-e-Taibah mein suhana phool phoola noor ka Mast-e-boo hain bulbulen parhti hain kalma noor ka

Main gada tu baadshah bhar de pyala noor ka Noor din duna tera de daal sadqa noor ka

Teri hi jaanib hai paanchon waqt sajda noor ka Rukh hai Qibla noor ka abroo hai Kaaba noor ka

Pusht par dhalka sar-e-anwar se shamla noor ka Dekhein Musa Toor se utra saheefa noor ka

Taj wale dekh kar tera imama noor ka Sar jhukate hain Ilahi bol baala noor ka

Shama-e-dil mishkat-e-tan seena zujaja noor ka Teri soorat ke liye aaya hai Surah Noor ka

Tere aage khaak par jhukta hai maatha noor ka Noor ne paaya tere sajde se seema noor ka

Your Lyrics, Even Offline - Install the App for Free!

Tu hai saaya noor ka har uzv tukra noor ka Saaya ka saaya na hota hai na saaya noor ka

Teri nasl-e-paak mein hai bacha bacha noor ka Tu hai ain-e-noor tera sab gharana noor ka

Noor ki sarkar se paaya doshala noor ka Ho mubarak tum ko Zul-Noorain jora noor ka

Chaand jhuk jaata jidhar ungli uthate mah-e-deen Kya hi chalta tha isharon par khilona noor ka

Ae Raza yeh Ahmad-e-Noori ka faiz-e-noor ka Ho gayi meri ghazal barh kar qaseeda noor ka