Mustafa Jaan e Rahmat Pe Lakhun Salam

Mustafa jaan-e-rehmat pe laakhon salaam Sham-e-bazm-e-hidayat pe laakhon salaam

Shehryar-e-Iram taajdar-e-haram Naubahar-e-shafa'at pe laakhon salaam

Shab-e-Isra ke dulha pe daaim durood Nosha-e-bazm-e-jannat pe laakhon salaam

Hum ghareebon ke aaqa pe be-had durood Hum faqiron ki sarwat pe laakhon salaam

Taairan-e-Quds jis ki hain qumriyan Us sahi sarv-e-qaamat pe laakhon salaam

Jis ke maathe shafa'at ka sehra raha Us jabeen-e-sa'adat pe laakhon salaam

Neechi aankhon ki sharm-o-haya par durood Oonchi beeni ki rif'at pe laakhon salaam

Patli patli gul-e-Quds ki pattiyan Un labon ki nazaakat pe laakhon salaam

Woh dahan jis ki har baat wahy-e-Khuda Chashma-e-ilm-o-hikmat pe laakhon salaam

Jis se khaari kunwein sheera-e-jaan bane Us zulaal-e-halaawat pe laakhon salaam

Woh zabaan jis ko sab Kun ki kunji kahein Us ki naafiz hukoomat pe laakhon salaam

Us ki baaton ki lazzat pe laakhon durood Us ke khutbe ki haibat pe laakhon salaam

Jis ki taskeen se rote hue hans pade Us tabassum ki aadat pe laakhon salaam

Haath jis samt utha ghani kar diya Mauj-e-bahr-e-samaahat pe laakhon salaam

Jis ko baar-e-do-aalam ki parwah nahin Aise baazu ki quwwat pe laakhon salaam

Get Lyrics On-The-Go! Download Our App Now!

Noor ke chashme lehraein darya bahein Ungliyon ki karamat pe laakhon salaam

Kul jahan milk aur jau ki roti ghiza Us shikam ki qana'at pe laakhon salaam

Khaayi Quran ne khaak-e-guzar ki qasam Us kaf-e-paa ki rehmat pe laakhon salaam

Jis suhani ghari chamka Taiba ka chand Us dil-afroz sa'at pe laakhon salaam

Sayyida Zahra-e-Tayyiba Taahira Jaan-e-Ahmad ki raahat pe laakhon salaam

Hasan-e-Mujtaba Sayyid-ul-Asqiya Raakib-e-dosh-e-izzat pe laakhon salaam

Bint-e-Siddiq aaram-e-jaan-e-Nabi Us hareem-e-baraat pe laakhon salaam

Ek mera hi rehmat pe da'wa nahin Shah ki saari ummat pe laakhon salaam

Kaash mehshar mein jab un ki aamad ho Bhejein sab un ki shaukat pe laakhon salaam

Mujh se khidmat ke qudsi kahein haan Razaؔ Mustafa jaan-e-rehmat pe laakhon salaam