Kis Ke Jalwa Ki Jhalak Hai

Kis ke jalwa ki jhalak hai yeh ujala kya hai Har taraf deedah-e-hairat zadah takta kya hai

Maang mun maanti munh mangi muradein le ga Na yahan "na" hai na mangta se yeh kehna "kya hai"

Pand kadwi lage nasih se tursh ho ae nafs Zehr-e-isyan mein sitam-gar tujhe meetha kya hai

Hum hain un ke woh hain tere toh huye hum tere Is se barh kar teri samt aur waseela kya hai

Un ki ummat mein banaya unhein rahmat bheja Yun na farma ke tera rahm mein dawa kya hai

Sadqah pyare ki haya ka ke na le mujh se hisab Bakhsh be poochay lajaye ko lajana kya hai

Zahid un ka main gunah-gar woh mere shafi Itni nisbat mujhe kya kam hai tu samjha kya hai

Bebasi ho jo mujhe pursish-e-aamal ke waqt Dosto! kya kahun us waqt tamanna kya hai

Kash faryad meri sun ke yeh farmayein Huzoor Haan koi dekho yeh kya shor hai ghawgha kya hai

Kaun aafat zadah hai kis pe bala tooti hai Kis musibat mein giraftar hai sadma kya hai

Download Lyrics & Access Offline - Install Our App Now!

Kis se kehta hai ke lillah khabar lijiye meri Kyun hai betab yeh bechaini ka rona kya hai

Is ki bechaini se hai khatir-e-aqdas pe malal Be-kasi kaisi hai poocho koi guzra kya hai

Yun malaik karein marooz ke ik mujrim hai Is se pursish hai bata tu ne kya kya kiya hai

Samna qahr ka hai daftar-e-aamal hain pesh Dar raha hai ke Khuda hukum sunata kya hai

Aap se karta hai faryad ke ya Shah-e-Rusul Banda-e-be-kas hai shaha rahm mein waqfa kya hai

Ab koi dam mein giraftar-e-bala hota hoon Aap aajayein toh kya khauf hai khatka kya hai

Sun ke yeh arz meri bahr-e-karam josh mein aaye Yun malaik ko ho irshad "theharna kya hai"

Kis ko tum moorid-e-aafaat kiya chahte ho! Hum bhi toh aake zara dekhein tamasha kya hai

Un ki aawaz pe kar uthoon mein be-sakhta shor Aur tarap kar yeh kahoon ab mujhe parwa kya hai

Lo woh aaya mera hami mera gham-khwar-e-umam! Aagayi jaan tan-e-be-jaan mein yeh aana kya hai

Phir mujhe daman-e-aqdas mein chupa lein Sarwar Aur farmayein hato is pe taqaza kya hai

Banda-e-azad shudah hai yeh hamare dar ka Kaisa lete ho hisab is pe tumhara kya hai

Chhor kar mujh ko farishtay kahein mehkoom hain hum Hukum-e-wala ki na ta'meel ho zahra kya hai

Yeh saman dekh ke mehshar mein uthe shor ke wah Chashm-e-bad door ho kya shan hai rutba kya hai

Sadqay is rahm ke is saya-e-daman pe nisar Apne bande ko musibat se bachaya kya hai

Ae Raza jaan-e-anadil tere naghmon ke nisar Bulbul-e-bagh-e-Madinah tera kehna kya hai