Jab Hua Zofgan Deen o Dunya Ka Chand

Jab hua zaufagan deen-o-dunya ka chand Aaya khalwat se jalwat mein Isra ka chand

Nikla jis waqt masood-e-Batha ka chand Jis suhani ghari chamka Taibah ka chand

Us dil-afroz sa'at pe lakhon salam

Jis ke qadmon pe sajde karen janwar Munh se bolen shajar den gawahi hajar

Woh hain mehboob-e-Rabb-e-Malik-e-Bahr-o-Bar Sahib-e-raj'at-e-shams-o-shaqq-ul-Qamar

Naib-e-dast-e-qudrat pe lakhon salam

Par gayi jis pe mehshar mein, bakhsha gaya Dekha jis samt abr-e-karam chha gaya

Rukh jidhar ho gaya zindagi pa gaya Jis taraf uth gayi dam mein dam aa gaya

Us nigah-e-inayat pe lakhon salam

Farq-e-matloob-o-talib ka dekhe koi Qissa-e-Toor-o-Me'raj samjhe koi

Koi behosh, jalwon mein gum hai koi Kis ko dekha ye Musa se pooche koi

Aankh walon ki himmat pe lakhon salam

Jis ke jalwe zamane mein chhane lage Jis ki zau se andhere thikane lage

Jis se zulmat kade noor paane lage Jis se tareek dil jagmagane lage

Us chamak wali rangat pe lakhon salam

Jis ke aali maqalat wahy-e-Khuda Jis ke ghaibi isharat wahy-e-Khuda

Jis ke alfaaz ayaat-e-wahy-e-Khuda Woh zehan jis ki har baat wahy-e-Khuda

Offline Lyrics Anytime, Anywhere - Download the App Today!

Chashma-e-ilm-o-hikmat pe lakhon salam

Dooba sooraj kisi ne bhi phera nahin Koi misl-e-Yadullah dekha nahin

Jis ki taqat ka koi thikana nahin Jis ko bar-e-do-alam ki parwah nahin

Aise bazu ki quwwat pe lakhon salam

Aasman malik aur jau ki roti ghiza Lamakan malik aur jau ki roti ghiza

Kun fakan malik aur jau ki roti ghiza Kul jahan malik aur jau ki roti ghiza

Us shikam ki qana'at pe lakhon salam

Sadiqa, saliha, sa'ima, sabira Saaf dil, nek kho, parsa, shakira

Abida, zahida, sajida, zakira Saiyada, Zahra, Taiba, Tahira

Jaan-e-Ahmad ki rahat pe lakhon salam

Haq ke mehram imam-ut-tuqa wat-tuqa Zaat-e-akram imam-ut-tuqa wat-tuqa

Qutb-e-alam imam-ut-tuqa wat-tuqa Ghaus-e-azam imam-ut-tuqa wat-tuqa

Jalwa-e-shan-e-qudrat pe lakhon salam

Abr-e-jood-o-ata kis pe barsa nahin Tera lutf-o-karam kis pe dekha nahin

Kis jagah aur kahan tera qabza nahin Ek mera hi rahmat pe da'wa nahin

Shah ki sari ummat pe lakhon salam

Murshidi Shah Ahmad Raza Khan Raza Faiz-yab-e-kamalat-e-Hassan Raza

Saath Akhtar bhi ho zamzama khwan Raza Jab ke khidmat ke qudsi kahen haan Raza

Mustafa jaan-e-rehmat pe lakhon salam