Mustafa Khair ul Wara Ho

Mustafa khair-ul-wara ho Sarwar-e-har do sara ho

Apne achhon ka tasadduq Hum badon ko bhi nibaho

Kis ke phir ho kar rahein hum Gar tumhein hum ko na chaho

Bad hasein tum un ki khatir Raat bhar ro’o karaho

Bad karein har dam burai Tum kaho un ka bhala ho

Hum wahi nashusta-ru hain Tum wahi bahr-e-ata ho

Hum wahi shayan-e-radd hain Tum wahi shan-e-sakha ho

Hum wahi be-sharm-o-bad hain Tum wahi kan-e-haya ho

Hum wahi nang-e-jafa hain Tum wahi jaan-e-wafa ho

Hum wahi qabil-e-saza ke Tum wahi rahm-e-Khuda ho

Charkh badle dahr badle Tum badalne se wara ho

Ab hamein hon sahv hasha Aisi bhoolon se juda ho

Umr bhar to yaad rakha Waqt par kya bhoolna ho

Waqt-e-paidaish na bhoole Kaifa yansa kyon qaza ho

Yeh bhi Mawla arz kar doon Bhool agar jao to kya ho

Woh ho jo tum par giran hai Woh ho jo hargiz na chaho

Woh ho jis ka naam lete Dushmanon ka dil bura ho

Free Up Space - Get Lyrics Without Bulky Screenshots!

Woh ho jis ke radd ki khatir Raat din waqf-e-dua ho

Mar mitein barbad bande Khana-abad aag ka ho

Shad ho Iblis-e-mal'oon Gham kise us qahr ka ho

Tum ko ho wallah tum ko Jaan-o-dil tum par fida ho

Tum ko gham se Haq bachaye Gham adu ko jaan-gaza ho

Tum se gham ko kya talluq Bekason ke gham-zada ho

Haq duroodein tum pe bheje Tum mudam us ko saraho

Woh ata de tum ata lo Woh wahi chahe jo chaho

Bar to oo pashad tu bar ma Ta abad yeh silsila ho

Kyon Raza mushkil se dariye Jab Nabi mushkil-kusha ho