Phir Ke Gali Gali

Phir ke gali gali tabah thokarein sab ki khaye kyun Dil ko jo aql de Khuda teri gali se jaye kyun

Rukhsat-e-qafila ka shor ghash se hamein uthaye kyun Sote hain un ke saya mein koi hamein jagaye kyun

Bar na the Habib ko palte hi ghareeb ko Royein jo ab naseeb ko chain kaho ganwaye kyun

Yad-e-Hazoor ki qasam ghaflat-e-aish hai sitam Khoob hain qaid-e-gham mein hum koi hamein chudaye kyun

Dekh ke Hazrat-e-Ghani phail pade faqeer bhi Chhayi hai ab to chhaoni hashr hi aa na jaye kyun

Jaan hai ishq-e-Mustafa roz fazoon kare Khuda Jis ko ho dard ka maza naaz-e-dawa uthaye kyun

Hum to hain aap dil figar gham mein hansi hai nagawar Chhed ke gul ko nobahar khoon hamein rulaye kyun

Ya to yun hi tadap ke jayein ya wahi daam se chudayein Minnat-e-ghair kyun uthayein koi taras jataye kyun

Un ke jalal ka asar dil se lagaye hai Qamar Jo ki ho lot zakhm par daagh-e-jigar mitaye kyun

Khush rahe gul se andaleeb khaar-e-haram mujhe naseeb Meri bala bhi zikr par phool ke khaar khaye kyun

Gard-e-malal agar dhule dil ki kali agar khile Barq se aankh kyun jale rone pe muskuraye kyun

Jaan-e-safar naseeb ko kis ne kaha maze se so Khatka agar sahar ka ho shaam se maut aaye kyun

Your Lyrics, Even Offline - Install the App for Free!

Ab to na rok ae Ghani aadat-e-sag bigad gayi Mere Kareem pehle hi luqma-e-tar khilaye kyun

Raah-e-Nabi mein kya kami farsh-e-bayaz-e-deeda ki Chadar-e-zil hai malgaji zer-e-qadam bichhaye kyun

Sang-e-dar-e-Hazoor se hum ko Khuda na sabr de Jaana hai sar ko ja chuke dil ko qarar aaye kyun

Hai to Raza nira sitam jurm pe gar lajayein hum Koi bajaye soz-e-gham saaz-e-tarab bajaye kyun