Unke Qadmoun Se Lipatt Jaun

Unؐ ke qadmon se lipat jaaun qaza se pehle Apne daaman mein chupa lenge saza se pehle

Kaif mein doobi rahe shehr-e-taghazzul ki faza Wajd mein aaye saba, harf-e-dua se pehle

Lafz jitne hon ghulami ka amama baandhein De Khuda aisa hunar rizq-e-sana se pehle

Choom loon Hazrat-e-Hassan ke aasar-e-qalam Izn-e-gooyaai bhi loon kilk-e-Razaؒ se pehle

Tang daamani ka ehsas hai ab tak kitna shadeed Haath khaali the zar-e-Sall-e-Ala se pehle

Unؐ ki ta'zeem muqaddam hai sukhan daani par Ashk sajda karein paimaan-e-wafa se pehle

Unؐ ke anwaar se roshan hai khala ka seena Unؐ ki takhleeq hui arz-o-sama se pehle

Mausam-e-ishq ke aadaab-e-wafa bhi seekho Shehr-e-Tayyibah ki khuli aab-o-hawa se pehle

Maskh hoti hui iqdaar ke pas-e-manzar mein Kunj-e-imaan tha koi Ghaar-e-Hira se pehle

Ahl-e-Taif ki shaqawat, woh Payambarؐ ki dua Yaad kar leta hoon har karb-o-bala se pehle

Patna-o-shar se mukaddar se faza ghar ki huzoorؐ Muzdah-e-amn makeenon ko sada se pehle

Khushk hai kab se mere khittah-e-dil ki mitti Toot kar barse meri aankh ghata se pehle

Masnad-e-adl pe faiz hai hawas mere huzoorؐ Ek mehshar hai bapa roz-e-jaza se pehle

Download Lyrics & Access Offline - Install Our App Now!

Sar-barhana hai abhi meri zameen ki mumta Ho ata is ko rida meri rida se pehle

Kibr-o-nakhwat ke kabhi pedon ka toote jaadoo Aajz ke phool khilein, zakhm-e-ana se pehle

Haazri us dar-e-aqdas ki bhi laazim hai Riyazؔ Arz-e-bakhshish ke liye pesh-e-Khuda se pehle