Unke Qadmoun Se Lipatt Jaun

انؐ کے قدموں سے لپٹ جاؤں قضا سے پہلے اپنے دامن میں چھپا لیں گے سزا سے پہلے

کیف میں ڈوبی رہے شہرِ تغزّل کی فضا وجد میں آۓ صبا، حرفِ دعا سے پہلے

لفظ جتنےہوں غلامی کا عمامہ باندھیں دے خدا ایسا ہنر رزقِ ثنا سے پہلے

چوم لوں حضرتِ حسان کے آثارِ قلم اذن گویائی بھی لوں کلکِ رضاؒ سےپہلے

تنگ دامانی کا احساس ہے اب تک کتنا شدید ہاتھ خالی تھے زرِ صلّ علیٰ سے پہلے

انؐ کی تعظیم مقدم ہے سخن دانی پر اشک سجدہ کریں پیمانِ وفا سےپہلے

انؐ کے انوار سےروشن ہےخلا کا سینہ انؐ کی تخلیق ہوئی ارض وسما سےپہلے

موسم عشق کےآداب وفا بھی سیکھو شہرِ طیبہ کی کھلی آب وہوا سےپہلے

مسخ ہوتی ہوئی اقدار کےپس منظرمیں کنج ایماں تھا کوئی غار حرا سےپہلے

اہل طائف کی شقاوت، وہ پیمبرؐ کی دعا یاد کرلیتا ہوں ہر کرب وبلا سے پہلے

پتنہ وشرسےمکدرسےفضا گھرکی حضورؐ مژدۃ امن مکینوں کو صدا سے پہلے

خشک ہےکب سے مرے خطۃ دل کی مٹی ٹوٹ کر برسے مری آنکھ گھٹا سے پہلے

مسند عدل پہ فائز ہے ہوس میرے حضورؐ ایک محشر ہےبپا روز جزا سے پہلے

سربرہنہ ہے ابھی میری زمیں کی ممتا ہو عطا اس کوردا میری ردا سےپہلے

کبر و نخوت کےکبھی پیڑوں کاٹوٹےجادو عجز کےپھول کھلیں، زخم انا سے پہلے

حاضری اس در اقدس کی بھی لازم ہےریاضؔ عرض بخشش کےلۓ پیش خدا سے پہلے