Aqleem Hast o Bood Ke Sulta'n

اقلیم ہست و بود کے سلطاں مِرے حضور ﷺ کون و مکاں کےمرکزی انساں مِرےحضورﷺ

دیوارِ جسم و جاں کا توازن اُنہی ﷺ سے ہے تسکینِ روح و قلب پریشاں مِرے حضور ﷺ

منظر شبِ عذاب کا آنکھوں میں ہے مگر بُجھتے ہوۓدلوں میں فروزاں مِرے حضورﷺ

ہرداستاں انہیﷺ کےکرم کی ہے داستاں میری کتاب زیست کاعنوان مِرے حضورﷺ

رحمت کا ابرسارے زمانوں پہ ہے محیط ہرعہد ہرصدی میں نمایاں مِرےحضورﷺ

ایمان میرا اُنؐ کے کفِ پا سے لےشعور سچ مچ کا جیتا جاگتا قرآں مِرے حضورؐ

مجھ سے گناہ گار پہ بھی اُنؐ کی ہے نظر بےکس نواز رحمت یزداں مِرےحضورؐ

دامن تہی ہے نامۃ اعمال بھی سیہ لیکن مِری نجات کاساماں مِرےحضورؐ

میں طاق آرزو میں سُلگتا ہوا چراغ برجِ دعا میں نیرتاباں مرےحضورؐ

میں ایک برگ زرد ہوں دستِ غبار میں اِک سرمدی بہار گلستاں مِرے حضورﷺ

ہونا مِرا زمین پراک بوجھ ہے ریاضؔ لیکن جواز گردش دوراں مِرےحضورؐ