Khuld e Taiba Aye Mosam e Dilkashan

خلدِ طیبہ کےاے موسمِ دلکشا،میری اجڑی ہوئی کشتِ جاں میں اُتر میرےہونٹوں کی دہلیز پرپھول رکھ، چاند بن کرمرے آشیاں میں اتر

ہم کلامی ہواۓمدینہ سےہو، ہم نشینی کبھی طورِ سینا سےہو طائرِ فکرصّل علیٰ کہہ کےاُڑ، آج بھی حیطۂ دِلبراں میں اُتر

رت جگوں کا تسلسل مقدربنے، میری پہچان نعت پیمبرؐ بنے ہمسفر، ساتھ چل، شامِ مدحت میں ڈھل، توبھی گردِرہِ کارواں میں اتر

اپنی پلکوں کو تلوے بناکرتوچل، دیپ حُبّ نبیؐ کےجلا کرتو چل اے شعورِ غزل، ہےمقام ادب، قریہء عظمت مُرسلاں میں اتر

آسمانی صحیفوں کےاوراق پڑھ، میرےآقاؐ کی آمد کےعنواں سمجھ خوشبوۓ حرفِ نو کےہجومِ کرم، ان کی توصیف کےآسماں میں اتر

آج کی شب بھی طیبہ کی دیوارودر سےلپٹتا رہےچشم و تر کا دھواں گنبدِ سبزکےعکس سے صد مخترم، میرےبےتاب اشک رواں میں اتر

وصل کی ساعتوں کی تمنا لیے، جی رہا ہےکوئی ہجر کےشہر میں اے کرم کی گھٹا، میرے آنگن میں آ، آنسوؤں سے لکھی داستاں میں اتر

میرے بچوں کے خوابوں کی تعبیردے، ان کو آسودہ لمحوں کی تنویر دے رحمت مصطفیٰؐ، رحمتِ مصطفیٰؐ، میرےجلتےہوۓ سائباں میں اتر

امتِ بےوسیلہ کی محرومیوں کا بیاں کب تلک اے مرے نوحہ گر ہاتھ میں لےکےعزم و عمل کےعلم، تُو کبھی شہر نطق و بیاں میں اتر

اپنے بختِ رسا کی بلائیں بھی لے، شہرِطیبہ کی ٹھنڈی ہوائیں بھی لے میری کلکِ ثنا، وجد میں آج آ، محفل نعت کی کہکشاں میں اتر

دامنِ دل میں کلیاں سجاتے ہوۓ، آرزوکےگھراوندے بناتے ہوۓ اے خیالِ نقوش کفِ پا سمٹ، لوح جزبات کےگلستاں میں اتر

ہرطرف سنگباری کا منظرکھلا، سنگِ دل ساعتوں کا سمندر کھلا اے ضمیرِ قلم، استقامت دِکھا، توغبارِ شب میں امتحاں میں اتر

آج تُو میری اُنگلی پکڑلےصبا، سوۓ طیبہ چلیں، میرے ہمراہ آ میری نعتیں سنا، مرحبا مرحبا، خطۃ نور ونکہت و فشاں میں اتر

میں ریاضؔ آج بھی سر جھکاۓ ہوۓ، ملتمس ہوں ہواۓ درِ پاک سے میرے آنگن کے پیڑوں میں بھی پاؤں رکھ، میری تشنہ لبی کے مکاں میں اتر