Khamosh Ba Adab Sare Darbar

خاموش باادب سرِ دربار یا رسول حاضر ہےآج ایک گنہگار یارسول

اس کودرِ جناب سےنسبت اگر نہ ہو عمرہزارسال بھی بےکار یا رسول

دیکھی ہیں جب سے گنبد خضریٰ کی تابشیں دنیاۓ رنگ و بو سے ہوں بیزار یا رسول

اس عمرمختصرمیں یہ دیکھے پھرایک بار اس شہربے مثال کے بازار یا رسول

اوقات اپنی جانتا ہوں اس کے باوجود مچلی ہےدل میں حسرتِ دیداریارسول

ہروقت میرےدل میں منوریہی رہیں طیبہ کےاردگرد کےآثار یا رسول

چُھپتا رہا ہجومِ غلاماں میں رات دن چشم کرم کا ایک طلب گار یارسول

کب سے ریاض ہےدرِاقدس پرسرنگوں آقا، حضور، احمدِ مختار، یارسول