Huroof Naat Nabi Mein

Huroof-e-Naat-e-Nabi ﷺ mein sajai hain aankhein Tamam umr ki meri kamai hain aankhein

Naqoosh-e-pa-e-Muhammad ﷺ saje rahein in mein Isi liye to Khuda ne banai hain aankhein

Har ek zair-e-Taibah ke choom lein talwe Dar-e-Huzoor ﷺ pe main ne bichai hain aankhein

Har ek taaq mein aansoo sajati rehti thin Dar-e-Huzoor ﷺ se ho kar ye aayi hain aankhein

Download Lyrics & Access Offline - Install Our App Now!

Sar-e-Husain ؑ ko neze pe dekh kar barsein Baghaur dekh meri Karbalai hain aankhein

Har ek baar Madine ki khaak hi nikli Hazaar baar agar aazmai hain aankhein

Khunak hawa-e-Madinah se dosti kar ke Ghazab ki dhoop se main ne bachai hain aankhein

Ab aasman-e-Madinah ka haal kya likhoon Adab se Taibah mein kis ne uthai hain aankhein

Kabhi jo khwab mein bhi main wahan gaya hoon Riazؔ Ghubar-e-shehr-e-Payambar ﷺ mein pai hain aankhein