Taiba Nagar Ke Saya e Deewar Main Utar

Taibah nagar ke sayah-e-deewar mein utar Rim jhim baraste Aap ﷺ ke anwaar mein utar

Un ﷺ ke naqoosh-e-pa se charagh-e-sukhan utha Shah-e-Arab ﷺ ki seerat-o-kirdar mein utar

Gar afiyat ke sabz amame ki hai talash Tauseef-e-Mustafa ﷺ ke chaman zaar mein utar

Sardar-e-kainaat pe parhte hue durood Naat-e-Nabi ﷺ ki nudrat-e-afkar mein utar

Har lamha-e-hayat ko ik kahkashan bana Har shab kisi ke ahd-e-gohar baar mein utar

Yeh hukm hai Janab-e-Risalat Ma'ab ﷺ ka Har iltija-e-dukhtar-e-Nadir mein utar

Khak-e-rah-e-Huzoor ﷺ ko so baar choom le Ban kar gulab koocha-o-bazaar mein utar

Download Lyrics & Access Offline - Install Our App Now!

Har ashk mein hai Gumbad-e-Sarkar ﷺ jalwa gar Shahr-e-qalam ke deeda-e-bedar mein utar

Aansu nadamaton ke badan pe saja ke chal Mumkin agar ho chashma-e-gunahgar mein utar

Phoolon ke rat jagon mein basar umr kar tamam Kilk-e-Riaz gulshan-e-be-khar mein utar

Murda saqafaton mein talashe ga kya Riaz Tehzeeb-e-Mustafa ﷺ ke saman zaar mein utar