Naat Ki Rim Jhim

Naat ki rim jhim lab-e-tishna pe lehrane lagi Ek duniya sath mere wajd mein aane lagi

Main ne auraq-e-dua par likh liya ism-e-Rasool ﷺ Meri saanson se duroodon ki mehak aane lagi

Aansuon mein jab shabeeh-e-Gumbad-e-Khizra bani Meri palkon par bhi rehmat ki ghata chhane lagi

Mehfil-e-Milad hai yeh Aamina ke laal ki Har taraf se is liye thandi hawa aane lagi

Offline Lyrics Anytime, Anywhere - Download the App Today!

Aaj guzrein ge shehenshah-e-rusul us simt se Kehkashan bhi aasman par raqs farmane lagi

Tazkira baad-e-saba chheede dar-e-Sarkar ka Yaad-e-Taiba aakhir-e-shab mujh ko tadpane lagi

Jab sar-e-mahshar hisab-e-nek-o-bad hone laga Ya Muhammad Ya Muhammad ﷺ ki sada aane lagi

Dil ke aangan ka muqaddar jaag utha hai Riaz Khushboo-e-shahr-e-Nabi aane lagi jaane lagi