Taiba Nagar Ke Saya e Deewar Main Utar

طیبہ نگر کے سایۃ دیوار میں اتر رِم جھم برستے آپؐ کے انوار میں اتر

اُنؐ کے نقوش پا سے چراغِ سخن اٹھا شاہِ عربؐ کی سیرت و کردار میں اتر

گر عافیت کے سبز عمامے کی ہےتلاش توصیفِ مصطفیٰؐ کے چمن زار میں اتر

No Internet? No Problem! Get the App for Offline Lyrics!

سردارِ کائنات پہ پڑھتے ہوۓ درود نعتِ نبیؐ کی ندرتِ افکار میں اتر

ہر لمحہ حیات کو اک کہکشاں بنا ہر شب کسی کےعہدِ گہربارمیں اتر

یہ حکم ہے جناب رسالت مآب ﷺ کا ہر التجاۓ دخترِ نادر میں اتر

خاکِ راہ حضورؐ کو سو بار چوم لے بن کر غلاب کوچہ و بازار میں اتر

ہر اشک میں ہے گنبد سرکارؐ جلوہ گر شہرِ قلم کے دیدۃ بیدار میں اتر

آنسو ندامتوں کے بدن پہ سجا کے چل ممکن اگر ہو چشمۃ گناہگار میں اتر

پھولوں کے رت جگوں میں بسر عمر کرتمام کلکِ ریاضؔ گلشن بے خار میں اتر

مردہ ثقافتوں میں تلاشے گا کیا ریاضؔ تہذیب مصطفیٰؐ کے سمن زار میں اتر