Lutf Unka Aam Ho Hi Jaye Ga

Lutf un ka aam ho hi jaayega Shaad har naakaam ho hi jaayega

Jaan de do wa'da-e-deedar par Naqd apna daam ho hi jaayega

Shaad hai Firdous ya'ni ek din Qismat-e-khuddam ho hi jaayega

Yaad reh jaayengi ye be-baakiyaan Nafs tu to raam ho hi jaayega

Be-nishaano ka nishaan mit-ta nahi Mit-te mit-te naam ho hi jaayega

Yaad-e-gesu zikr-e-haq hai aah kar Dil mein paida laam ho hi jaayega

Ek din aawaaz badlenge ye saaz Cheh-cheha kehram ho hi jaayega

Saailo! daaman-e-sakhi ka thaam lo Kuch na kuch inaam ho hi jaayega

Yaad-e-abru kar ke tadpo bulbul-o! Tukde tukde daam ho hi jaayega

Mufliso! un ki gali mein ja padon Baagh-e-khuld ikraam ho hi jaayega

Gar yunhi rehmat ki ta'weelein rahin Madh har ilzaam ho hi jaayega

Baada-khwari ka samaan bandhne to do Sheikh durd-aashaam ho hi jaayega

Gham to un ko bhool kar lipta hai yun Jaise apna kaam ho hi jaayega

Download Lyrics & Access Offline - Install Our App Now!

Mit! ke gar yunhi raha qarz-e-hayaat Jaan ka neelaam ho hi jaayega

Aaqilo! un ki nazar seedhi rahe Bauron ka bhi kaam ho hi jaayega

Ab to laayi hai shafa'at afv par Badhte badhte aam ho hi jaayega

Ae Raza! har kaam ka ik waqt hai Dil ko bhi aaraam ho hi jaayega