Harees Alaina

Harisun 'alaina, 'aziz-o-payambar, Sirajan-e-Munira, Sirajan-e-Munira Latafat se goondha gaya tera paikar, Sirajan-e-Munira, Sirajan-e-Munira

Baqa ki na umr-e-dawami ki mangi, dua jab bhi mangi ghulami ki mangi Na maange kabhi main ne la'al-o-jawahar, Sirajan-e-Munira, Sirajan-e-Munira

Tu jis ke tasawwur mein abad duniya, tu jis ki ghulami mein azad duniya Parhein La ilaha tere hathon mein patthar, Sirajan-e-Munira, Sirajan-e-Munira

Rasool-e-shafa'at, tu Yasin-o-Taha, tujhe toot kar tere Rab ne bhi chaha Tu Aqib, tu Qasim, tu sarw-e-mu'anbar, Sirajan-e-Munira

Karam hi karam tu, sakha tu hai ummat ke haq mein dua hi dua tu Tu rahmat hi rahmat, tu Kausar hi Kausar, Sirajan-e-Munira, Sirajan-e-Munira

Why Screenshot When You Can Download? Get the App for Efficient Storage!

Mujhe bhi ijazat mile Ya Muhammad, kali dil ki ab to khule Ya Muhammad Tere dar pe hazir ho tera gada-gar, Sirajan-e-Munira, Sirajan-e-Munira

Riaz aaj bhi dekh na ro raha hai, sar-e-rahguzar sham se so raha hai Judai ki raatein hain is ka muqaddar, Sirajan-e-Munira, Sirajan-e-Munira