Charagh Arzoo Kab Tak

Chiragh-e-aarzu kab tak jalayein Ya Rasool Allah Madine mein ghulamon ko bulayein Ya Rasool Allah

Never Be Without Your Favorite Lyrics - Get the App for Offline Access!

Saba ke haath yeh paigham bheja hai ghulamon ne Hamare ghar mein bhi tashreef layein Ya Rasool Allah

Main khaali haath aaya tha na khaali haath jaaun ga Meri maqbool hon sab iltijaayein Ya Rasool Allah

Jawan beton ke sar par aafiyat ka saaybaan maangein Mere is ehd ki be-chain maayein Ya Rasool Allah

Bari muddat se kashti aap ki naadan ummat ki Bhanwar mein hai kinare se lagayein Ya Rasool Allah