Aqleem Hast o Bood Ke Sulta'n

Aqleem-e-hast-o-bood ke Sultaan mere Huzoor ﷺ Kon-o-makaan ke markazi insaan mere Huzoor ﷺ

Offline Lyrics Anytime, Anywhere - Download the App Today!

Deewar-e-jism-o-jaan ka tawazun unhi ﷺ se hai Taskeen-e-rooh-o-qalb-e-pareshan mere Huzoor ﷺ

Manzar shab-e-azaab ka aankhon mein hai magar Bujhte hue dilon mein farozan mere Huzoor ﷺ

Har dastaan unhi ﷺ ke karam ki hai dastaan Meri kitaab-e-zeest ka unwaan mere Huzoor ﷺ

Rahmat ka abr saare zamano pe hai muheet Har ahad har sadi mein numaya mere Huzoor ﷺ

Imaan mera un ﷺ ke kaff-e-pa se le shaoor Sach-much ka jeeta jaagta Quran mere Huzoor ﷺ

Mujh se gunah-gaar pe bhi un ﷺ ki hai nazar Bekas nawaaz rahmat-e-Yazdaan mere Huzoor ﷺ

Daaman tuhi hai naama-e-aamaal bhi seyah Lekin meri najaat ka saamaan mere Huzoor ﷺ

Main taaq-e-aarzoo mein sulagta hua chiraag Burj-e-dua mein nayyar-e-taabaan mere Huzoor ﷺ

Main ek barg-e-zard hoon dast-e-ghubaar mein Ik sarmadi bahaar-e-gulistaan mere Huzoor ﷺ

Hona mera zameen par ik bojh hai Riaz Lekin jawaaz-e-gardish-e-dauraan mere Huzoor ﷺ