Nishan Us Ka Kisi Se Kab Bayan Ho

Nishan us ka kisi se kab bayan ho Wohi paave nishan jo be-nishan ho

Munazah woh toh hai kaun-o-makaan se Makaan us ko kahan jo la-makaan ho

Koi jagah nahin par us se khaali Zameen ho arsh ho ya aasman ho

Siwa us ke nahin koi jahan mein Talash us ki karo yaaro jahan ho

Offline Lyrics Anytime, Anywhere - Download the App Today!

Turab ustaad se maloom kar lo Tariq-e-ma'rifat gar qadrdaan ho

Ghaneemat hai mulaqaat aaj us ki Khuda maloom phir kab ho kahan ho