Mein Peer e Ishq Hun Majnoo Mureed Hai Mera

Main peer-e-ishq hoon Majnoo mureed hai mera Woh aashiqi mein Khalifa Rasheed hai mera

Fareefta hoon main jis par woh hai fida mujh par Yeh husn-e-taali-o-bakht-e-saeed hai mera

Tujhe ho Eid mubarak mujhe gale se laga Na kar hijaab yeh inaam-e-Eid hai mera

Kaha Ayaz ne mashooq ban ke Maula se Miyan tu banda-e-be-zar khareed hai mera

Tu soorat apni chhupa kar mujhe sunata hai Nazar ba-khair tasawwur mufeed hai mera

Karam se tere to nazdeek hai kisi din aa Na soch ghar se tere ghar baeed hai mera

Woh kaan dhar ke mera maajra sunay to kahoon Nayi kahani hai qissa jadeed hai mera

Get Lyrics On-The-Go! Download Our App Now!

Turab kis se mukhatib ho kal woh kehta tha Yeh tegh-e-ishq ka maara shaheed hai mera