Dil Jis Ki Muhabat Mein Giraftar Hai Mera

Dil jis ki mohabbat mein giraftar hai mera Woh dushman-e-jaani o dil-aazar hai mera

Kehta hai khabardar chhupana meri ulfat Aashiq se yahi qaul aur iqrar hai mera

Kis tarah bhala mujh se chhupe dard-o-gham is ka Ghammaz to yeh deedah-e-khoon-baar hai mera

Kyun kar na rakhun yaar ke milne ki tamanna Dil aarzoo-e-wasl se nachaar hai mera

Kal dekh ke mujh ko woh laga kehne kisi se Pehchaniyo is ko yeh khareedar hai mera

No More Screenshots! Save Storage with Our Lyrics App!

Surat na dikhaunga use apni kisi din Keh do yeh abas tishnah-e-deedar hai mera

Kis tarah ba-ein haal use yaar main jaanoon Naadani se yeh wahm-o-pindaar hai mera

Kis tarah Turab apna kahun haal kisi se Jag mein na koi yaar na gham-khwar hai mera