Jo Chahe Ke Qahat-o-Waba Door Ho

Jo chahe ke qahat-o-waba door ho Parhe Ya Wali-ul-Wala door ho

Instant Access to Thousands of Lyrics - Tap to Install!

Waba aati hai shamat-e-fisq se Karo tauba mango dua door ho

Jahan mein hawa khwah-e-sehat hain sab Ilahi waba ki hawa door ho

Nazool-e-bala hai bohot in dino Karam se tere har bala door ho

Ba-haqq-e-Muhammad Alaihis-Salam Yahan se waba-o-faja door ho

Jidhar jate hain sunte hain haye haye Ilahi yeh saut-o-sada door ho

Rahe jo sada paas tere Turab To us se na bahr-e-Khuda door ho