Kam Koi Fuqra Se Milta Hai Khuda Ke Waaste

Kam koi fuqra se milta hai Khuda ke waaste Daf-e-aada ke liye ya kimiya ke waaste

Ahl-e-duniya ki gharaz lagti hai jab darvesh se Kehte hain apne husool-e-mudda'a ke waaste

Ae Khuda waalo yehi hai tum se meri iltija Hal karo mushkil meri mushkil-kusha ke waaste

Mudda'a haasil hua to phir gaye kehne lage Kyun khushamad kijiye inki dua ke waaste

Aise logon se karen darvesh na-haq ikhtilat Sohbat inki zehar hai ahl-e-safa ke waaste

Why Screenshot When You Can Download? Get the App for Efficient Storage!

Shah Ji isko na kehna hai woh bhik manga faqir Aghniya se jo mile nashv-o-numa ke waaste

Saya-e-dargah-e-Kazim hum ko kya kam hai Turabؔ Kyun phiren hum dar-ba-dar zill-e-huma ke waaste