Kam Koi Fuqra Se Milta Hai Khuda Ke Waaste

کم کوئی فقرا سے ملتا ہے خدا کے واسطے دفع اعدا کے لیے یا کیمیا کے واسطے

اہل دنیا کی غرض لگتی ہے جب درویش سے کہتے ہیں اپنے حصول مدعا کے واسطے

اے خدا والو یہی ہے تم سے میری التجا حل کرو مشکل مری مشکل کشا کے واسطے

مدعا حاصل ہوا تو پھر گئے کہنے لگے کیوں خوشامد کیجیے ان کی دعا کے واسطے

ایسے لوگوں سے کریں درویش نا حق اختلاط صحبت ان کی زہر ہے اہل صفا کے واسطے

Free Up Space - Get Lyrics Without Bulky Screenshots!

شاہ جی اس کو نہ کہنا ہے وہ بھک منگا فقیر اغنیا سے جو ملے نشوونما کے واسطے

سایۂ درگاہِ کاظم ہم کو کیا کم ہے ترابؔ کیوں پھریں ہم در بدر ظل ہما کے واسطے