Nishan Us Ka Kisi Se Kab Bayan Ho

نشاں اس کا کسی سے کب بیاں ہو وہی پاوے نشاں جو بے نشاں ہو

منزہ وہ تو ہے کون و مکاں سے مکاں اس کو کہاں جو لا مکاں ہو

کوئی جاگہ نہیں پر اس سے خالی زمین ہو عرش ہو یا آسماں ہو

Instant Access to Thousands of Lyrics - Tap to Install!

سوا اس کے نہیں کوئی جہاں میں تلاش اس کی کرو یارو جہاں ہو

ترابؔ استاد سے معلوم کر لو طریق معرفت گر قدرداں ہو

غنیمت ہے ملاقات آج اس کی خدا معلوم پھر کب ہو کہاں ہو