Jis Ne Koi Yusuf Koi Yaqub Banaya

جس نے کوئی یوسف کوئی یعقوب بنایا اس نے مجھے طالب تجھے مطلوب بنایا

بخشی ہے اسی نے تو مجھے تیری محبت پیارے مرے جس نے تجھے محبوب بنایا

ہم کو تو نظر پڑتی ہے سب خوبی اسی کی جس نے تجھے خوبوں میں بہت خوب بنایا

کہتے ہو جدائی میں کرو صبر ہماری کیا دل کو مرے آپ نے ایوب بنایا

جس دن سے میں چاہا اسے شرمانے لگا وہ شوخی نے مرے یار کو محجوب بنایا

زاہد کو اسی چیز سے دنیا میں ہے نفرت اللہ نے جس چیز کو مرغوب بنایا

No More Screenshots! Save Storage with Our Lyrics App!

صورت کو مری دیکھ ترابؔ اس نے کہا کل یوں عشق نے کس کے تجھے مجذوب بنایا