Mein Peer e Ishq Hun Majnoo Mureed Hai Mera

میں پیر عشق ہوں مجنوں مرید ہے میرا وہ عاشقی میں خلیفہ رشید ہے میرا

فریفتہ ہوں میں جس پر وہ ہے فدا مجھ پر یہ حسن طالع و بخت سعید ہے میرا

تجھے ہو عید مبارک مجھے گلے سے لگا نہ کر حجاب یہ انعام عید ہے میرا

کہا ایاز نے معشوق بن کے مولا سے میاں تو بندہ بے زر خرید ہے میرا

Stop Wasting Storage - Download Lyrics in Lightweight Text Format!

تو صورت اپنی چھپا کر مجھے سناتا ہے نظر بخیر تصور مفید ہے میرا

کرم سے تیرے تو نزدیک ہے کسی دن آ نہ سوچ گھر سے ترے گھر بعید ہے میرا

وہ کان دھر کے مرا ماجرا سنے تو کہوں نئی کہانی ہے قصہ جدید ہے میرا

ترابؔ کس سے مخاطب ہو کل وہ کہتا تھا یہ تیغ عشق کا مارا شہید ہے میرا