Jis Ne Koi Yusuf Koi Yaqub Banaya

Jis ne koi Yusuf koi Yaqub banaya Us ne mujhe talib tujhe matloob banaya

Bakhshi hai isi ne toh mujhe teri mohabbat Pyare mere jis ne tujhe mehboob banaya

Hum ko toh nazar padti hai sab khoobi usi ki Jis ne tujhe khoobon mein bahut khoob banaya

More Lyrics, Less Storage - Install the App and Ditch the Screenshots!

Kehte ho judai mein karo sabr hamari Kya dil ko mere aap ne Ayyub banaya

Jis din se main chaha use sharmaane laga woh Shokhi ne mere yaar ko mehjoob banaya

Zahid ko isi cheez se duniya mein hai nafrat Allah ne jis cheez ko marghoob banaya

Soorat ko meri dekh Turab us ne kaha kal Yun ishq ne kis ke tujhe majzoob banaya