Aqal Ka Hukam Hai Idhar Toh Na Jana Aye Dil

Aql ka hukum hai idhar tu na jaana ae dil Ishq kehta hai ke phir waan se na aana ae dil

Aql kharij hui jis waqt hua ishq ka dakhal Aankh lagte hi huye hosh ravana ae dil

Girya mat kar nahi hone ka gham-e-yaar furo Hai kathan paani se yeh aag bujhana ae dil

Main na kehta tha ke ek roz tu ruswa hoga Is qadar us pe hua kyun tu deewana ae dil

Ta'n o tashnee' raqeebon se salamat hai mahaal Ishq baazi hai malamat ka nishana ae dil

Baaz aa maan kaha us ki taraf phir mat ja Kya nahi aur kahin tera thikana ae dil

Kyun tu Majnu sa hua ishq mein angusht numa Naam rakhta hai tera ek zamana ae dil

Your Lyrics, Even Offline - Install the App for Free!

Dilbari kuch bhi ho jis mein hai dil aazar wahi Bar mein apne kabhi us ko na bithana ae dil

Jis ko main jaan-e-aziz apna samajhta tha Turab Ishq mein woh bhi hua mujh se begaana ae dil