Hadaf Jis Ka Faqat Dil Ho Mein Aise Teer Ke Qurban

Hadaf jis ka faqat dil ho main aise teer ke qurban Badan jis se na ghayal ho main us shamshir ke qurban

Find Your Favorite Lyrics Anytime, Anywhere - Install the App Today!

Jo Laila ne kaha hans ke ke beri daal do us ke Gaya bin Qais deewana hua zanjeer ke qurban

Kaho Shireen se ja baithe maze se ghar mein Khusro ke Hua Farhad us ke dam se joo-e-sheer ke qurban

Utha kar burqa mukhre se zara surat to dikhla de Hijab itna na kar mujh se teri tasveer ke qurban

Tu khaak apne qadam ki de na kar mohtaj kundan ka Kise milti hai yeh daulat main us aksir ke qurban

Turab us ne jawani mein mujhe peeron ki ne'mat di Banaya peer mujh ko main to apne peer ke qurban