Zyarat Kar Chukki

Ziyarat kar chuki bedaar khwabi ya Rasoolؐ Allah Meri andar ki aankhein hain sahabi ya Rasoolؐ Allah

Download Lyrics & Access Offline - Install Our App Now!

Rawaana khud talashi ki muhim par kijiye hum ko Hum apni chahte hain baazyabi ya Rasoolؐ Allah

Hamare hujra-e-irfan pe taala kis ne dala hai Ata ho jaaye is taale ki chaabi ya Rasoolؐ Allah

Hamari aahatein bhi apne raste par laga dije Hoon hum bhi Aapؐ jaise inqilabi ya Rasoolؐ Allah

Duroodon aur duaon ka jawab ab tak nahi aaya Lifafe saare bheje hain jawabi ya Rasoolؐ Allah

Shab-e-tanhai mein jab Aap ko aawaaz deta hoon Chudaaye khoon ragon mein mahtabi ya Rasoolؐ Allah

Koi khoobi nazar aati nahi kirdaar mein apne Yehi bas ek hai mujh mein kharabi ya Rasoolؐ Allah

Muzaffar ki ragon mein khoon toh Abu Bakr ka daure Dimaag is ka magar hai bu-e-Turabi ya Rasoolؐ Allah