Muflis Zindagi Ab

Muflis zindagi, ab na samjhe koi Mujh ko ishq-e-Nabi, is qadar mil gaya Jagmagaaye na kyon, mera aks-e-daroon Ek patthar ko, aaina mil gaya

Jis ki rehmat se taqdeer-e-insaan khule Us ki jaanib hi darwaza-e-jahaan khule Jaane umr-e-rawaan, le ke jaati kahan Khair se mujh ko Khair-ul-Bashar mil gaya

Mehwar-e-jahaan zaat-e-Sarkar ki Aur meri haisiyat ek parkaar ki Us ki ik reh-guzar, tay na ho umr bhar Qibla-e-aarzoo to, magar mil gaya

Is ka deewana hoon, us ka majzoob hoon Kya yeh kam hai ke main us se mansoob hoon Sarhad-e-hashr tak, jaaun ga be-dharak Mujh ko itna to zaad-e-safar mil gaya

No Internet? No Problem! Get the App for Offline Lyrics!

Zehan be-rang tha saans be-roop thi Rooh par maasiyat ki kadi dhoop thi Us ki chashm-e-ghani, raunaq-e-jaan bani Chhaon jis ki ghani woh shajar mil gaya

Jab se mujh par huwa Mustafa ka karam Ban gaya dil Muzaffar chiragh-e-haram Zindagi phir rahi thi bhatakti hui Meri khana-badoshi ko ghar mil gaya