Jahan Bhi Ho Wahin Se

Jahan bhi ho, wahin se do sada, Sarkar sunte hain Sar-e-aaina sunte hain pas-e-deewar sunte hain

Mera har saans un ki aahaton ke sath chalta hai Mere dil ke dhadkan ki bhi woh raftar sunte hain

Khade rehte hain ahl-e-takht bhi dehleez par un ki Fakeeron ki sadayein bhi Shah-e-Abrar sunte hain

Gunahgaro durood-o-walihana bhej kar dekho Woh apne ummati ka naghma-e-kirdar sunte hain

Woh yun milte hain jaise zindagi mein koi milta hai Woh sunte hain har ik ki, aur sar-e-darbar sunte hain

Main sadqe jaaun un ki Rahmatal-lil-Alameeni ke Pukaro chahe kitni baar, woh har baar sunte hain

Never Be Without Your Favorite Lyrics - Get the App for Offline Access!

Muzaffar jab kisi mehfil mein un ki naat padhta hoon Mera imaan hai woh bhi mere ashaar sunte hain