Sahib e Taj Woh

Sahib-ut-taj woh shah-e-meraj woh shahsawar-e-buraq-o-amir-e-alam Dafi-e-har bala dafi-e-har waba dafi-e-qaht-o-amraz-o-ranj-o-alam

Ism likha gaya ism ooncha hua ism mohr-e-qabool-e-shafa’at bhi hai Ism ki barkatein ism ki rounaqein ism-e-loh-o-qalam ki amanat bhi hai

Kya Arab kya Ajam sab ke sardar hain sab ke sardar ka hai muqaddas badan Haram-o-Ka’aba ko jo munawwar kare woh mehakti woh pakeeza si ik kiran

Your Lyrics, Even Offline - Install the App for Free!

Chasht-gahon ka sooraj wajood aap ka aap har shab ki zulmat ke mehtab hain Sadr-e-bazm-e-bulandi-o-rif’at ke hain rahguzar-e-hidayat ke mehtab hain

Sari makhlooq ki hain woh jaye aman sari tareekiyon ke woh roshan chiragh Nek teenat hain woh nek atwar hain unke hathon mein hain bakhshishon ke ayagh

Sar se pairon talak woh karam hi karam, Rab hifazat kare bil-yaqeen aap ki ﷺ Un ke khidmat guzaron mein Jibraeel hain aur sawari buraq haseen, aap ki ﷺ

Safar un ka hai meraj aur Sidrat-ul-Muntaha mustaqarr aur maqam un ka hai Qaba qausain ka martaba un ka matloob hai aur Dar-us-Salam un ka hai

Aur matloob hi un ka maqsood hai aur maqsood hi un ka maujood hai Aap sare rasoolon ke sardar hain aap ka sirf Allah mabood hai

Baad mein sare nabiyon ke aaye hain woh bakhshwayenge har ik gunahgar ko Har musafir ki karte hain gham khwariyan rahmatein baantte hain woh sansar ko

Aashiqon ke dilon ki woh taskeen hain aur muradein har ik sahib-e-shauq ki Haq shanas ke khursheed-o-khawar hain woh salikeen-e-rah-e-ishq ki roshni

Pyar mohtaj-o-muflis se maskeen se har muqarrab ki woh rehnumai karein Jinn-o-insan ke sardar dono haram dono qiblon ki woh peshwai karein

Dunya aur aakhirat ka waseela hain woh, rutba-e-Qaba Qausain jin ko mila Dono hi mashriqon maghribon ka woh rab hasil un ko khitab uske mehboob ka

Jadd-e-amjad hain Hasnain ke aur har jinn-o-insan ke aqa-o-maula hain woh Baap Qasim ke bete hain Abdullah ke aur noor-e-ilahi ka hissa hain woh

Ae fidayan-e-noor-e-jamal-e-Nabi ﷺ aap par ﷺ aal-o-ashab par subh-o-sham Jaise haq bhejne ka hai bhejo basad ehtram-o-mohabbat durood-o-salam