Mustafa e Zaat e Yakta Aap Hain

Mustafa-e-zaat-e-yakta aap hain Yak ne jis ko yak banaya aap hain

Aap jaisa koi ho sakta nahi Apni har khoobi mein tanha aap hain

Aab-o-gil mein noor ki pehli kiran Jaan-e-Adam jaan-e-Hawa aap hain

Husn-e-awwal ki namood-e-awwaleen Bazm-e-aakhir ka ujala aap hain

La-makan tak jis ki phaili roshni Woh chiragh-e-aalam aara aap hain

Hai namak jis ka khameer husn mein Woh maleeh-e-husn aara aap hain

Zeb-o-zeen-e-khaak-o-fakhr-e-khaakiyaan Zeent-e-Arsh-e-Mu'alla aap hain

Naazish-e-Arsh-o-waqar-e-Arshiyaan Sahib-e-Qausain-o-Adna aap hain

Aap ki tal'at Khuda ka aaina Jis mein chamke Haq ka jalwa aap hain

Aap ki ru'yat hai deedar-e-Khuda Jalwah-gah-e-Haq Ta'ala aap hain

Why Screenshot When You Can Download? Get the App for Efficient Storage!

Aap ko Rabb ne kiya apna Habeeb Saari khilqat ka khulasa aap hain

Aap ki khatir banaye do jahan Apni khatir jo banaya aap hain

Jaan tu'i jaanan qarar-e-jaan tu'i Jaan-e-jaan jaan-e-Maseeha aap hain

Paikar-e-har shai mein jaan ban kar nihan Pardon pardon mein huwayda aap hain

Aap se khud aap ka sa'il hoon main Jaan-e-jaan meri tamanna aap hain

Aap ki tal'at ko dekha jaan di Qabr mein pahuncha to dekha aap hain

Bar darat aamad gada bahar-e-sawaal Ho bhala Akhtar ka daata aap hain