Zulamt e Dunya Mujhe

Zulmat-e-dunya mujhe tanha samajh kar yun na gher Mah-e-Taiba ki tajalli mein nahin kuch lagti der

Ya Nabi teri duhai aafton mein ghir gaya Rukh badal de mushkilon ka aur balayein mujh se pher

Gumbad-e-Khizra ko dekhe ek arsa ho gaya Kab khulegi meri qismat ab lagegi kitni der!

Nafs-o-shaitan par mujhe ghalba ata kar ya Khuda Us Ali ka wasta deta hoon jo hai tera sher

No More Screenshots! Save Storage with Our Lyrics App!

Aah! Mizan par khara hoon Shafe-e-Mahshar karam! Nekiyan palle nahin hain bas gunahon ka hai dher

Naar-e-dozakh mein na le jaye kahin maal-e-haram Kar lo tauba chhor do ae bhaiyo! sab her pher

Sab ko marna hi padega yaad rakho bhaiyo! Der mein jayega koi, koi chaldega saver

Ya Khuda aalam mein uncha parcham-e-Islam ho Dushmanan-e-deen musalmanon se hon maghloob wazeer

Ishq-e-Ahmad hi se Attar aadmi hai aadmi Warna ye mitti ka putla hai faqat mitti ka dher