Aye Madine Ke Tajdar Tujhe

Ae Madine ke tajdar tujhe Ahl-e-imaan salam kehte hain

Tere ushshaq tere deewane Jaan-e-janaa salam kehte hain

Jo Madine se door rehte hain Hijr-o-furqat ka ranj sehte hain

Woh talabgar-e-deed ro ro kar Ae meri jaan salam kehte hain

Your Lyrics, Even Offline - Install the App for Free!

Jin ko duniya ke gham satate hain Thokarein dar-ba-dar ki khate hain

Gham naseebon ke charagar tum ko Woh pareshan salam kehte hain

Door duniya ke ranj-o-gham kar do Aur seene mein apna gham bhar do

Un ko chashman-e-tar ata kar do Jo bhi Sultan salam kehte hain

Jo tere ishq mein tadapte hain Haziri ke liye taraste hain

Izn-e-Taiba ki aas mein Aaqa Woh pur-arman salam kehte hain

Tere rozay ki jaliyon ke paas Aaqa rahm-o-karam ki lekar aas

Kitne dukhiyare roz aa aa ke Shah-e-Zeeshan salam kehte hain

Arzoo-e-Haram hai seene mein Ab to bulwaiye Madine mein

Tujh se tujh hi ko maangte hain Jo woh Musalman salam kehte hain

Rukh se parde ko ab utha deeje Apne qadmon se ab laga leeje

Aah! Jo nekiyon se hain yaksar Khali daamaan salam kehte hain

Aap Attar kyun pareshan hain? Bad se badtar bhi zer-e-daamaan hain

Un pe rahmat woh khaas karte hain Jo Musalman salam kehte hain