Laaj Rakh Mere Dast

Laaj rakh mere dast-e-dua ki Mere Maula tu khairat dede

Apni rahmat ki apni ata ki Mere Maula tu khairat dede

Qalb mein yaad teri basi ho Zikr lab par tera har ghari ho

Masti-o-bekhudi aur fana ki Mere Maula tu khairat dede

Karna rahmat Khuda mujh pe apni Rakh inayat sada mujh pe apni

Daimi aur hatmi raza ki Mere Maula tu khairat dede

Nafs ne lazzaton mein phansaya Mujh pe lutf-o-karam ho Khudaya

Dil se chahat mita masiva ki Mere Maula tu khairat dede

Az-paye Ghous-e-Azam wilayat Apni rahmat se farma inayat

Apni, apne Nabi ki wila ki Mere Maula tu khairat dede

Haal aasi ka be-had bura hai Teri rahmat ka bas aasra hai

Afv-e-jurm-o-qusoor-o-khata ki Mere Maula tu khairat dede

Main gunahon mein lathra hua hoon Bad se badtar hoon bigra hua hoon

Afv-e-jurm-o-qusoor-o-khata ki Mere Maula tu khairat dede

Hai yeh tasleem sab se bura hoon Main sudharna Khuda chahta hoon

Afv-e-jurm-o-qusoor-o-khata ki Mere Maula tu khairat dede

Ho karam az-tufail-e-Madinah Main na hargiz phiroon kar ke tauba

Download Lyrics & Access Offline - Install Our App Now!

Afv-e-jurm-o-qusoor-o-khata ki Mere Maula tu khairat dede

Baat isyan se main ne bigari Dil ki hathon se basti ujari

Lutf-o-rahmat ki afv-o-ata ki Mere Maula tu khairat dede

Tere dar se sada thartharaoon Khauf se tere aansoo bahaoon

Kaif aisa de, aisi ada ki Mere Maula tu khairat dede

Makr-e-shaitan se tu bachana Saath imaan ke mujh ko uthana

Naz mein deed-e-Badru-Dujah ki Mere Maula tu khairat dede

Phir Arab ki haseen wadiyan hoon Kaash! Makke ki shadabiyan hoon

Mujh ko deedar-e-Thaur-o-Hira ki Mere Maula tu khairat dede

Dede parda bahoo betiyon ko Maaon behnon sabhi auraton ko

Hum sabhi ko haqeeqi haya ki Mere Maula tu khairat dede

Ab tak aulad se jo hain mehroom Un ki bhar god ae Rabb-e-Qayyum Sab ko rahmat ki apni ata ki Mere Maula tu khairat dede