Tajdar e Haram Aye Shehan-Shah e Deen

Tajdar-e-Haram ae Shahanshah-e-Deen Tum pe har dam karoron durood-o-salam Ho nigah-e-karam hum pe Sultan-e-Deen Tum pe har dam karoron durood-o-salam

Door reh kar na dam toot jaaye kahin Kash! Taibah mein ae mere mah-e-mubeen Dafn hone ko mil jaaye do gaz zameen Tum pe har dam karoron durood-o-salam

Koi husn-e-amal paas mere nahin Phans na jaaun qayamat mein Maula kahin Ae Shafee-e-Umam laaj rakhna meri Tum pe har dam karoron durood-o-salam

Stop Wasting Storage - Download Lyrics in Lightweight Text Format!

Donon aalam mein koi bhi tum sa nahin Sab haseenon se barh kar tumhein ho haseen Qasim-e-rizq-e-Rab-ul-Ula ho tumhein Tum pe har dam karoron durood-o-salam

Fikr-e-ummat mein raaton ko rote rahe Aasiyon ke gunahon ko dhote rahe Tum pe qurban jaaun mere mah-e-jabeen Tum pe har dam karoron durood-o-salam

Phool rehmat ke har dam lutate rahe Hum ghareebon ki bigri banate rahe Hauz-e-Kausar pe na bhool jaana kahin Tum pe har dam karoron durood-o-salam

Kafiron ke sitam hans ke sehte rahe Phir bhi har aan haq baat kehte rahe Kitni mehnat se ki tum ne tableegh-e-Deen Tum pe har dam karoron durood-o-salam

Maut ke waqt kar do nigah-e-karam Kash us shaan se yeh nikal jaaye dam Sang-e-dar pe tumhare ho meri jabeen Tum pe har dam karoron durood-o-salam

Ab Madine mein sab ko bula leejiye Aur seena Madina bana deejiye Az paye Ghous-e-Azam Imam-e-Mubeen Tum pe har dam karoron durood-o-salam

Ishq se tere mamoor seena rahe Lab pe har dam Madina Madina rahe Bas main deewana ban jaaun Sultan-e-Deen Tum pe har dam karoron durood-o-salam

Door ho jaayen duniya ke ranj-o-alam Ho ata apna gham deejiye chashm-e-nam Maal-o-daulat ki koi tamanna nahin Tum pe har dam karoron durood-o-salam

Phir bula lo Madine mein Attar ko Apne qadmon mein rakh lo gunahgar ko Koi is ke siwa aarzoo hi nahin Tum pe har dam karoron durood-o-salam