Zubaan e Ishq Se

Zaban-e-ishq se sharh-e-sifat phir na hui Tamam umar kahi naat, naat phir na hui

Ghareeb-e-fikr hoon Aaqa ﷺ maaf kar dijiye Jo baat keh na saka tha woh baat phir na hui

Isi liye toh Muhammad ﷺ ki nao mein baitha Kisi bhanwar kisi toofan se maat phir na hui

Chala Huzoor ﷺ ki aawaz thaam kar jab se Mufahimat kisi laghzish ke saath phir na hui

Karam ki ek nazar ban gayi naseeb mera Gham-e-zamana-o-fikr-e-najat phir na hui

Huzoor ne hamein shaista-e-shaoor kiya Thi pehle jitni pareshan hayat phir na hui

Kuch is tarah mera Khair-ul-Wara tulu hua Yaqeen-o-sidq ke aangan mein raat phir na hui

Stop Wasting Storage - Download Lyrics in Lightweight Text Format!

Charha tha roop jo Sultan-e-Husn ke hote Muzaffar itni haseen kainaat phir na hui