Zindagi Yeh Nahi Hai

Zindagi yeh nahi hai kisi ke liye Zindagi hai Nabi ki Nabi ke liye

Nasamajh marte hain zindagi ke liye Jeena marna hai sab kuch Nabi ke liye

Chandni chaar din hai sabhi ke liye Hai sada chand Abdul Nabi ke liye

Find Your Favorite Lyrics Anytime, Anywhere - Install the App Today!

Anta feehim ke daaman mein munkir bhi hain Hum rahe ishrat-e-daaimi ke liye

Aish karlo yahan munkiro chaar din Marke tarsoge us zindagi ke liye

Daagh-e-ishq-e-Nabi le chalo qabr mein Hai charagh-e-lahad roshni ke liye

Naqsh-e-paaye sugaan-e-Nabi dekhiye Yeh pata hai bahut rehbari ke liye

Maslak-e-Aala Hazrat salamat rahe Ek pehchan Deen-e-Nabi ke liye

Maslak-e-Aala Hazrat pe qaim raho Zindagi di gayi hai isi ke liye

Sulh-e-kulli Nabi ka nahi suniyo! Sunni Muslim hai saccha Nabi ke liye

Woh bulate hain koi yeh aawaaz de Dam mein ja pahunchun main haaziri ke liye

Aye naseem-e-saba unse keh de shaha Muztarib hai gada haaziri ke liye

Jin ke dil mein hai ishq-e-Nabi ki chamak Woh taraste nahi chandni ke liye

Jin ke dil mein hain jalwe tere ishq ke Chashma-e-noor hain roshni ke liye

Akhtar-e-Qadri khuld mein chal diya Khuld waa hai har ek Qadri ke liye