Tere Daman e Karam Main Jise

Tere daaman-e-karam mein jise neend aa gayi hai Jo fana na hogi aisi use zindagi mili hai

Mujhe kya padi kisi se karoon arz-e-mudda mein Meri lau to bas unhi ke dar-e-jood se lagi hai

Woh jahan bhar ke daata mujhe pher denge khaali Meri tauba aye Khuda yeh mere nafs ki badi hai

Jo paye-sawaal aaye mujhe dekh kar yeh bolein Isse chain se sulao ke yeh banda-e-Nabi hai

Main maroon to mere Maula yeh malaika se keh dein Koi isko mat jagana abhi aankh lag gayi hai

Main gunah-gaar hoon aur bade martabon ki khwahish Tu magar Kareem hai khoo teri banda-parwari hai

Teri yaad thapki de kar mujhe ab Shaaha sula de Mujhe jaagte hue yun badi der ho gayi hai

Aye naseem-e-koo-e-jaanaan zara sue-e-bad-naseebaan Chali aa khuli hai tujh pe jo hamari be-kasi hai

Instant Access to Thousands of Lyrics - Tap to Install!

Tera dil-shikasta Akhtar isi intezar mein hai Ke abhi naveed-e-waslat tere dar se aa rahi hai