Door Aye Dil Rahe Madine Se

Door ae dil rahiye Madine se Maut behtar hai aise jeene se

Un se mera salam keh dena Jaake tu ae saba qareene se

Har gul-e-gulistan mu'attar hai Jaan-e-gulzar ke paseene se

Yun chamakte hain zarre Taiba ke Jaise bikhre hue nageene se

Zikr-e-Sarkar karte hain Momin Koi mar jaaye jal ke keene se

Bargah-e-Khuda mein kya pahunche Gir gaya jo Nabi ke zeene se

Instant Access to Thousands of Lyrics - Tap to Install!

Pijiye chashm-e-naz se un ki Maikashon ka bhala hai peene se

Us tajalli ke samne Akhtar Gul ko aane lage paseene se