Dagh e Furqat Taiba

Daagh-e-furqat-e-Taibah qalb-e-muzmahil jaata Kaash Gumbad-e-Khizra dekhne ko mil jaata

Mera dam nikal jaata un ke aastaane par Un ke aastaane ki khaak mein main mil jaata

Mere dil se dhul jaata daagh-e-furqat-e-Taibah Taibah mein fana ho kar Taibah mein hi mil jaata

Maut le ke aajati zindagi Madine mein Maut se gale mil kar zindagi mein mil jaata

Khuld-zaar-e-Taibah ka is tarah safar hota Peeche peeche sar jaata aage aage dil jaata

Dil pe jab kiran padti un ke sabz Gumbad ki Us ki sabz rangat se baagh ban ke khil jaata

Furqat-e-Madinah ne woh diye mujhe sadme Koh par agar padte koh bhi toh hil jaata

No Internet? No Problem! Get the App for Offline Lyrics!

Dil mera bicha hota un ki rah-guzaron mein Un ke naqsh-e-pa se yun mil ke mustaqil jaata

Dil pe woh qadam rakhte naqsh-e-pa ye dil banta Ya toh khaak-e-pa ban kar pa se mutasil jaata

Woh kharaam farmate mere deedah-o-dil par Deedah mein fida karta sadqe mera dil jaata

Chashm-e-tar wahan behti dil ka mudda'a kehti Aah ba-adab rehti mounh mera sil jaata

Dar pe dil jhuka hota izn paa ke phir badhta Har gunah yaad aata dil khajil khajil jaata

Mere dil mein bas jaata jalwah-zaar-e-Taibah ka Daagh-e-furqat-e-Taibah phool ban ke khil jaata

Un ke dar pe Akhtar ki hasratein huein poori Saail-e-dar-e-aqdas kaise munfa'il jaata