Mere Allah Ke Nigar

Mere Allah ke nigaar salaam Dast-e-qudrat ke shahkaar salaam

Dono aalam ke taajdaar salaam Jaan-e-har jaan-o-jaandaar salaam

Nikhat-e-har chaman hazaar salaam Jaan-e-har bulbul hazaar salaam

Khaak-e-Tayyab bane meri hasti Arz karta hai khaaksar salaam

Shauq-e-paiham ki iltija sun lo Tum pe ho meri jaan nisaar salaam

Phir Madine mein kab bulaoge Tum se kehta hai intezaar salaam

Mujh ko zaalim pe ikhtiyaar nahin Tum to rakhte ho ikhtiyaar salaam

No More Screenshots! Save Storage with Our Lyrics App!

Khuld kehti hai yun Madine se Tujh pe ae khuld ki bahaar salaam

Motiyon ko saja ke palkon par Kehti hai chashm-e-ashkbaar salaam

Apni ulfat ka aisa jaam pila Jis ka barhta rahe khumaar salaam

Dard-e-ulfat mein de maza aisa Dil na paaye kabhi qaraar salaam

Dil ki dharkan tumhari yaad bane Har nafas tum pe beshumaar salaam

Teri khaatir zaleel hona hai Meri izzat mere waqaar salaam

Apne Akhtarؔ ka lo salaam shaha Tum pe ae jaan ae qaraar salaam