Mere Allah Ke Nigar

میرے اللہ کے نگار سلام دست قدرت کے شاہکار سلام

دونوں عالم کے تاجدار سلام جانِ ہر جان و جاندار سلام

نکہت ہر چمن ہزار سلام جانِ ہر بلبل ہزار سلام

خاکِ طیبہ بنے مری ہستی عرض کرتا ہے خاکسار سلام

شوقِ پیہم کی التجا سن لو تم پہ ہو میری جاں نثار سلام

Free Up Space - Get Lyrics Without Bulky Screenshots!

پھر مدینے میں کب بلائو گے تم سے کہتا ہے انتظار سلام

مجھ کو ظالم پہ اختیار نہیں تم تو رکھتے ہو اختیار سلام

خلد کہتی ہے یوں مدینے سے تجھ پہ اے خلد کی بہار سلام

موتیوں کو سجا کے پلکوں پر کہتی ہے چشم اشکبار سلام

اپنی الفت کا ایسا جام پلا جس کا بڑھتا رہے خمار سلام

دردِ الفت میں دے مزہ ایسا دل نہ پائے کبھی قرار سلام

دل کی دھڑکن تمہاری یاد بنے ہر نفس تم پہ بیشمار سلام

تیری خاطر ذلیل ہونا ہے میری عزت مرے وقار سلام

اپنے اخترؔ کا لو سلام شہا تم پہ اے جان اے قرار سلام