Aye Saba Le Ja Madine

اے صبا لے جا مدینے کو پیام عرض کردے ان سے با صد احترام

اے مکین گنبد خضریٰ سلام اے شکیب ہر دل شیدا سلام

اب مدینے میں مجھے بلوائیے اپنے بے کس پر کرم فرمائیے

بلبل بے پر پہ ہو جائے کرم آشیانش دہ بہ گلزارِ حرم

Download Lyrics & Access Offline - Install Our App Now!

ہند کا جنگل مجھے بھاتا نہیں بس گئی آنکھوں میں طیبہ کی زمیں

زندگی کے ہیں مدینے میں مزے عیش جو چاہے مدینے کو چلے

زندگی کے ہیں مدینے میں مزے عیش جو چاہے مدینے میں مرے

خلد کی خاطر مدینہ چھوڑ دوں ایں خیال است و محال است و جنوں

خلد کے طالب سے کہہ دوں بے گماں طالب طیبہ کی طالب ہے جناں

مجھ سے پہلے میرا دل حاضر ہوا ارضِ طیبہ کس قدر ہے دلربا

کتنی پیاری ہے مدینے کی چمک روشنی ہی روشنی ہے تا فلک

کتنی بھینی ہے مدینہ کی مہک بس گئی بوئے مدینہ عرش تک

یا رسول اللہ از رحمت نگر در بقیعِ پاک خواہم مستقر

بس انوکھی ہے مدینہ کی بہار رشک صد گل ہیں اسی گلشن کے خار

کتنی روشن ہے یہاں ہر ایک شب ہر طرف ہے تابش ماہ عرب

کیا مدینہ کو ضرورت چاند کی ماہِ طیبہ کی ہے ہر سو چاندنی

نور والے صاحب معراج ہیں مہر و مہ ان کے سبھی محتاج ہیں

اے خوشا بخت رسائے اخترؔت باز آوردی گدا را بردرت