Kuch Karein Apne Yaar

Kuch karein apne yaar ki baatein Kuch dil-e-daghdaar ki baatein

No Internet? No Problem! Get the App for Offline Lyrics!

Hum toh dil apna de hi baithe hain Ab yeh kya ikhtiyaar ki baatein

Main bhi guzra hoon daur-e-ulfat se Mat suna mujh ko pyaar ki baatein

Ahl-e-dil hi yahan nahin koi Kya karein haal-e-zaar ki baatein

Pee ke jaam-e-mohabbat jaanaan Allah Allah khumaar ki baatein

Mar na jaana mata-e-duniya par Sun ke tu maal-daar ki baatein

Yun na hote aseer-e-zillat tum Sunte gar hoshiyaar ki baatein

Har ghari wajd mein rahe Akhtarؔ Kijiye us dayaar ki baatein